HUHEZIko (MU) Lehen Hezkuntzako Graduko ikasleen hizkuntza- eta kultura-identitatea

Laburpena

Ingurune urruti zein hurbilean gertatzen ari diren aldaketa sozioekonomiko nahiz kulturalek eragin zuzena dute gure hizkuntza- eta kultura-identitatean. MU-HUHEZIra datozen ikasle etorri berrien euskararen erabilerari eta euskal kulturaren pertzepzioari jarri diegu arreta, ikasle berrien profil horietan sumatzen diren aldaketen arrazoiak identifikatzeko. Helburu horrekin diseinatu zen lau urteko proiektuan, ikasleek EOSKOLA liburua irakurri behar izan zuten 2017-2018 ikasturtean; ondoren, elkarrizketa bat izan zuten egilearekin, eta, azkenik, galdetegi bati erantzun behar izan zioten. Egindako lanketatik ateratako emaitzek adierazi digute ikasleen hizkuntza-erabilera zein kultura-pertzepzioa askotarikoak direla, eta horri erantzuteko hizkuntza-konpetentziaren zein curriculumaren berrikuspena egitea —euskal dimentsioari arreta gehiago jarriz— beharrezkoa dela.