Uztaro. Giza eta gizarte-zientzien aldizkaria

Hezkuntza-berrikuntzarako esperientzia

Nagore Guerra Bilbao — 2024-10-15

Lan honetan, Euskal Herriko Unibertsitateko (UPV/EHU) 370 ikaslerekin egindako hezkuntza-berrikuntzako esperientzia bat aurkezten da. Kasuaren metodoan oinarrituta, diziplinarteko ikuspegi batetik eta ikaskuntza kooperatiboaren bidez, ezagutza teorikoa benetako egoerekin eta testuinguru profesionalekin erlazionatu nahi izan da. Kasuaren metodoa hezkuntza-beharrak dituen ikasle batean oinarrituta dago. Psikologia, Lehen Hezkuntza eta Gizarte Hezkuntzako ikasleak taldetan antolatu ziren eta kasua diziplinarteko ikuspegi batetik aztertu eta ebatzi zuten. Hainbat parte-hartzailek galdetegi batzuk bete zituzten kasuaren lanketarekin hasi aurretik eta ondoren, haien motibazioa eta ikaskuntza kooperatiboaren eta diziplinartekotasunaren inguruko pertzepzioa ezagutzeko. Emaitzetan ikusten denaren arabera, ezberdintasun esanguratsuak lortu ziren aldagai guztietan proiektuan parte hartu aurreko eta ondorengo puntuazioen artean. Beraz, lan honetan agerian geratzen da diziplinartekotasunean eta kasuaren metodoan oinarritutako hezkuntza-estrategien erabilerak hobetu egiten duela ikasleek ikas-kuntza kooperatiboari eta diziplinartekotasunari buruz duten pertzepzioa, bai eta haien motibazioan ere. as their motivation.

Bizikidetza eta kulturartekotasunaren sustapena eskolan World Café-aren bidez

Unai Coronel Gastiain — 2024-10-15

Hezkuntzaren erronka nagusietako bat eskola-komunitatean bizikidetza erreala eta kultura ezberdinen arteko truke positiboa sustatzea da, aniztasuna aberastasun bihurtuz. Ikerketa honetan, Gasteizko eskola publiko bateko esku-hartzea aurkezten dugu; helburua izan da eskola-komunitateak prozesu parte-hartzaile baten bidez bizikidetza eta kulturartekotasuna sustatzeko proposamenak egitea, eta hori lortzeko World Café tresnaren baliagarritasuna ebaluatzea. Horretarako, hiru tresna uztartu dira: familientzako galdetegi bat, World Café tresnan oinarritutako parte-hartze saio bat eta prozesuaren inguruko asebetetze-galdetegi bat. Eskola-komunitateak irudikatu duen ametsetako eskolaren ezaugarri nagusietako batzuk dira elkartasuna, eskubide-berdintasuna eta diskriminaziorik eza. Hori lortzeko, elkartzeko eta elkar ezagutzeko espazioak sortzea eta eskolan presente dauden kultura ezberdinak ezagutzeko aukerak sustatzea proposatu da. Parte-hartzaileen balorazio positiboen oinarrian ikusi da World Café-a tresna lagungarria izan daitekeela eskola-komunitateetan lan egiteko.

ALCESTE euskaraz: egokitzapena eta ebaluazioa

Juan Abasolo — 2024-10-15

Artikulu honek ALCESTE metodoaren eta berori erabiltzeko egun baliatzen den Iramuteq softwarearen egokitzapena eta ebaluazioa aurkezten ditu euskarazko testuetarako. Testu-bolumen luzeen sailkapen automatizaturako metodologiak eremu semantikoak identifikatzeko baliabideak eskaintzen ditu. Artikulua lexikoaren egokitzapen-prozesuan eta barne- eta kanpo-ebaluazioetan oinarritzen da. Barne-ebaluaziorako, UPV/EHUko Hezkuntzako fakultateetako irakasleen autodeskribapenak erabili dira; kanpo-ebaluaziorako, Itun Berriko San Pauloren gutunen corpus paralelo eleaniztuna aztertu da euskaraz, gaztelaniaz, ingelesez eta frantsesez.

Hizkuntzarekin erlazionaturiko online informazioa europar hizkuntza gutxituetako hedabideetan

Iñaki Zabaleta Urkiola — 2024-10-15

Artikulu honek, lehen aldiz era sistematikoki konparatzailean, hizkuntza gutxituei buruzko online informazioaren bolumen/estaldura eta garrantzia ikertzen ditu Europako bederatzi hizkuntza-komunitate gutxitutako prentsa, irrati eta telebista garrantzitsuenen webguneetan. Ikerketan, halaber, online albisteen framing edo enkoadraketa ere zedarritzen da, hainbat aldagai eta atributuren bitartez: izaera, eduki-tipologia, topos edo foku geografikoa, eta protagonisten profila. Gainera, emaitzak konparatu egiten dira hizkuntza nagusietako hedabide nagusien webguneen online albistegintzarekin. Europako bederatzi hizkuntza gutxituak euskara, galesa, galiziera, irlandera, bretoiera, frisiera, samiera, korsikera eta gaeliko eskoziarra dira.

Nazionalismo subliminala(k) eta testuliburuak: alfabetatze nazional paraleloak Euskal Autonomia Erkidegoan

Jon Fernández-Iriondo — 2024-10-15

Nazionalismo-ikerketen baitan kokatutako ikerketa honek euskal eta espainiar nortasunen erreprodukzio hutsal edo subliminala aztertzen du Lehen Hezkuntzako hirugarren zikloan, gaur egun Euskal Autonomia Erkidegoko ikastetxeek erabiltzen dituzten Gizarte Zientzietako testuliburuen analisiaren bidez. Besteak beste Michael Billig-en nazionalismo hutsalaren tesiaz baliaturik, eduki-analisi kuantitatiboa eta kualitatiboa uztartu dira hiru argitaletxetako testuliburuak konparatzeko. Aurkikuntzei dagokienez, testuliburuek islatzen dute EAEko hezkuntza-sistemako ikasleek alfabetatze nazional ezberdin eta paraleloak bizi dituztela: argitaletxe gehienek nazionalismo espainiarra banalizatzen dute; Ikaselkar argitaletxeak, berriz, modu nazionalistan —eta ez erregionalistan— erreproduzitzen du euskal nortasuna.

Borja Ariztimuño Lópezen tesiaren laburpena

Borja Ariztimuño López — 2024-10-15

Tesiaren izenburua: Euskara Arkaikoko adizki jokatuen gaineko ikergaiak. Corpusa eta azterketa filologiko-linguistikoak

Uzuri Castelo Moñuxen tesiaren laburpena

Uzuri Castelo Moñux — 2024-10-15

Tesiaren izenburua: Menpekotasuna eta epe-luzeko zaintzaren irudikapen soziala: ziantza-kulturaren, antolaketa sozialaren eta harremanen eraldaketa

M. Arrate Oianguren Txurrukaren tesiaren laburpena

M. Arrate Oianguren Txurruka — 2024-10-15

Tesiaren izenburua: Irakasleen ebaluazioa EAEn. Protagonista eta eragileek irakasleen ebaluazioari buruz duten iritzien azterketa

Maitena Duhalde de Serraren tesiaren laburpena

Maitena Duhalde de Serra — 2024-10-15

Tesiaren izenburua: Lapurdiko itsas hegiko euskararen azterketa dialektologikoa