Gertuko erakundeak hezkuntza-sisteman parte hartzen: kultura-ondarearen transmisioa

Laburpena

Parte-hartzearen eremutik begiratuta, zein da tokiko erakundeen funtzioa hezkuntzaren kudeaketan, oro har, eta kultura-ondarearenean, zehatzago? Irakaskuntzaren monopolioa galdu du eskolak, eta, aldaketa-garai honetan, malgutasuna eta egokitzeko gaitasuna eskatzen zaizkio. Beraz, gero eta eragile eta agertoki gehiago daude irakaskuntzarekin harremanetan. Errealitate horrekin bat eginez, uste dugu tokikoa baztertu eta beste interes globalago batzuk gailendu direla. Artikulu honen xedea hezkuntzako eta gizarteko eragileen arteko komunikazioaren beharraz hausnartzea da, herritarrengandik gertuen dagoen erakundetik hasita, eta, hala, tokiko kultura-ondarearen ikaskuntzaren bitartez, komunitatearen elkarrekintza sustatzeko eredu sozioeraikitzaile bat diseinatzea.