Euskarazko herri-prentsaren irakurleen profila aztergai

Laburpena

Tokian tokiko 5 aldizkariren irakurleen profila eta herritarrek aldizkarien inguruan duten iritzia jaso da hurrengo lerroetan. Eusko Jaurlaritzak emandako diru-laguntzari esker Txorierriko Aikor!, Eibarko ...eta kitto!, Elgoibarko Barren, Orio eta Aiako Karkara eta Idiazabalgo Aldaize aldizkarien inguruko datu esanguratsuak jaso ahal izan dira. Besteak beste, azaltzen da publikoaren ezagutza maila zein den aldizkarien hedapen-eremuan, euren irakurle kopurua zenbatekoa den, irakurleek aldizkariak irakurtzen ematen duten denbora, aldizkarien sarbidea zein den eta irakurleek aldizkariari buruz dituzten iritziak zein diren. Orobat, emaitza horietatik abiatuz, emaitza nagusiak eta etorkizunerako proposamenak bildu dira.