Emakumeen aurkako indarkeria eta Gizarte Hezkuntzako unibertsitate-sinesmenak: prebentziorako eta heziketarako bide parte-hartzailea

Laburpena

Lan honen xedea, unibertsitateko Gizarte Hezkuntzako ikasleen artean (N=125) emakumeen aurkako indarkeriaren inguruko irudikapenak aztertzea da. Irudikapen sozialaren eredu teorikotik abiatuta (Moscovici, 1961) eta metodologia parte-hartzailearen bitartez, emakumeen aurkako indarkeriaren inguruko esanahiak, indarkeria honen jatorriari buruzko usteak eta prebentzio- estrategien proposamenak aztertzen dira, helburu bikoitzarekin: a) prebentzio- neurri bezala, beraien etorkizuneko lanean eragin dezaketen mito eta uste okerrak errebisatu eta zuzendu ditzaten laguntzea; b) informazio gehigarria eskaintzea beraien etorkizuneko hezkuntza-prestakuntza osatuago bat opatzeko.