Zumaiako azentuaz eta intonazioaz

Laburpena

Lan honetan Zumaiako azentuaz eta intonazioaz ihardungo dugu lehen hurbilpen gisara. Herri honetako azentuera-molde zentrala deritzokeenaren barruan kokatzen da. Azentuerari buruzko sekzioan molde honen ezaugarri nagusiak aztertzen dira, lexiko alorrean –bai singularrean, bai pluralean– deklinabidean eta aditz alorrean. Intonazioari dagokion sekzioan esaldi deklaratzaileen eredu nagusiak aztertzen dira. Batetik, hitz ez-markatudun sintagmez osatutako esaldiak, eta bestetik, hitz markatudun sintagmez osatutakoak. Azkenik sintagma konplexudun esaldi deklaratzaileen jokabidea ikusiko da.