Muskildiko galderen intonazioaz

Laburpena

Lan honen helburua zubereraren barietate baten intonazio-moldeak aztertzeko datuak ematea da batetik, eta bestetik, galdera-mota desberdinen azterketa egitea. Lanean hiru atal nagusi egin dira; lehen atalean BAI/EZ galderei buruzko datuak eman ondoren, azterketa fonologikoa egiten da. Azterketa fonologiko horretan proposatzen diren tonuen azterketa fonetikoa egiten da jarraian. Bigarren zatian, N/Z galderak aztertzen dira. Hirugarren zatian hiru motatako galderak ikusten dira: “ala ez”, “ez” eta “othe”ren bidez egiten direnak hain zuzen. Azkenik, lanean zehar egindako azterketa desberdinen ondorioak laburbiltzen dira; era berean, hurrengo lan batzuetarako proposamenak ere egiten dira.