Antropologia feministaren sorrera eta teoria antropologiko feminista nagusiak

Laburpena

Artikulu honetan antropologia feministak bere sorreratik —60ko ha- markadaren bukaeran eta 70eko hamarkadaren hasieran— gaur egun arte izandako bilakaera aztertzen saiatuko gara, bere baitan garatutako ikuspegi eta planteamenduen berri emanez. Lehen atalean, emakumeen arteko aniz- tasunaren ideiara eta genero kontzeptura iritsi arteko bidea aztertuko dugu. Bigarren atalean, azalpen sinbolikoak eta materialak (marxistak) ikusiko ditugu. Azkenik, hirugarren atalean, gaur egungo ikuspegi feministak azaldu- ko ditugu. Kontuan hartu behar dugu teoria antropologikoaren berrikuspena eta kritika, eta eredu antropologiko berrien sorrera bultzatu direla. Azken finean, xedea da kultura ezberdinetan emakumeek benetan egiten eta pentsa- tzen dutena ikasi eta deskribatzea eta genero arteko harremanak ikertzea.