Zôon-aren esparrua: Gizaberea saroi publiko aldakorrean

Laburpena

Gizarte-zientziek errealitate soziala historizatzeko balio behar dute, baita errealitatea ikertzeko erabiltzen diren kontzeptuei azterketa erreflexibo bera aplikatzeko ere. Era horretako ariketaren helburua, aldi berean, errealitate sozialean eta pentsamenduaren munduan gordetzen diren joera naturalistak agerian uztea da. Abiapuntuok hartuta, artikuluaren asmoa publikotasunaren kontzeptuak pentsamendu politikoaren barnean dauzkan adiera eta konnotazioen berrikusketa egitea da, gogoetan aintzat hartuz horietako bakoitzaren inplikazioak eta mugak.