Kulturgileak mungimendu soziale tradizioan: euskal intelektualak euskalgintza

Laburpena

Kultura-baliabideen sortzaile eta erabiltzaile diren heinean, intelektualak botere sinbolikoz horniturik agertzen zaizkigu gizartean. Botere hori dela medio, ezinbesteko partaidetza izaten dute gizartean ohikoak diren borroka sinbolikoetan, hau da, errealitate sozialari buruzko definizio-gatazketan. Halaz ere, kultura eragile guztiek ez dute botere-maila bera izaten. Kultura-instituzioen gabeziaren ondorioz, euskal kulturgileek mugimendu-ekimenez jardun behar izan dute eskuarki esparru kulturala osatzeko. Horiek horrela, euskararen eta euskal kulturaren alde mugimendu horretan aritutako kultur-gileek gune kognitibo eta intelektual garrantzitsua eraiki dute historia modernoan zehar. Mugimenduak, alde batetik, ohiko kultura-esparruaren funtzioak bete ditu, eta, bestetik, funtzio politiko nabarmenak, mendeko kulturaren iraupenera zuzendutako erresistentzia kognitiboa izan baitu xede.