Metaanalisiaren azterketa: kritikak eta ekarpenak

Laburpena

Literaturaren azterketa tradizionalaren mugetariko batzuk ondokoak dira: bide honek izan dezakeen kutsu subjektiboa (aldeko ikerketak soilik aukeratzea) eta aldagaien parametro desberdinak darabiltzaten ikerketak konparatzeko ezintasuna. Muga horien gainetik, objektibotasuna eta ikerketen arteko konparaketa egiteko aukera ematen duen metaanalisi izeneko prozedura dugu. Metaanalisia zer den eta zein urrats eman behar den aurkeztu ondoren, bilketako metodo estatistikoari egin zaizkion kritikak deskribatuko dira. Ondoren, metodo horrek izan ditzakeen arazoei nola egin aurre ahalik eta probetxu handiena ateratzeko, eta zer abantaila eskaintzen dituen azalduko da.