Parafilia eta sexu-nahasteei buruzko ikuspegiak psikopatologian eta sexologia

Laburpena

Perbertsioak, sexu-desbiderazioak, parafiliak, aberrazioak, berezitasun sexualak… Hauek guztiak antzeko zerbait izendatzeko erabili diren hitzak dira. Antzeko zerbait izan arren, ez dira gauza bera, erabilitako kontzeptuaren arabera konnotazio zehatza egozten baita. Artikulu honetan garai viktoriarretik oraingo sexologia garaikidera doan tartean parafilia eta sexu-nahasteen historian zeharreko ikuspegiez jardungo dugu, baita hasi berria den Sexologia zientziaren aurrekarietan moralak izan zuen lekuaz ere. Bukatzeko Giza Ekintza Sexualaren ikuspegitik gizaki sexuatuaren berezitasun sexualak ulertzeko bidea eskaintzen saiatuko gara eta osasunerako irizpidea nola bila daitekeen adieraziko dugu.