Tipikotasun-, proportzionaltasun- eta erruduntasun-printzipioak Administrazio Zuzenbide Zehatzailean eta horien isla 2015eko SPAJLn

Laburpena

Estatuaren zigortze-ahalmenaren agerpena dugu Administrazioaren zehapen-ahalmena. Hala, printzipio ugarik arautzen dute ahalmen publiko hau, berme materialak zein formalak jasotzea helburu dutenak, baina tipikotasun-, proportzionaltasun eta erruduntasun-printzipioak izango zaizkigu gatazkatsuen, horien egitura eta eduki zaila kontuan hartuta. Horri gehitu behar diogu, halaber, printzipio horiek arautzen dituen legea aldatu egin zuela Espainiak 2015. urtean 40/2015 Legearekin, urriaren 1ekoarekin, Sektore Publikoaren Araubide Juridikoarenarekin. Horrez gain, non bis in idem printzipioa ere aztertzea beharrezkoa zaigu, Europar Batasuneko Justizia Auzitegiaren (EBJA) azken epaien ondorengo egoera, batik bat.