Hurbiltasun-zatidura irrati-telebistako kazetaritzan: praktika desegokia

Laburpena

Irrati edo telebista-estazio baten izaerak, nortasunak eta helburuek erreferentzi markoa mugatzen, neurtzen, finkatzen dute, eta fondoa zein forma, tipoa zein estiloa, maiztasuna eta hedapena babesteaz gain, aurkezten diren informazioen erliebea eta kokapena, hauei dagozkien albiste-zerbitzuak, egiten den kazetaritza-mota eta profesionalen lana, konfiguratu egiten dituztela ematen du, “giza-faktoreak” errealitate telebistatuaren egile diren heinean (Bennet 1983; Epstein 1973; Zabaleta Urkiola 1994). Hau guztiau bereziki gizartearen beraren gatazka sustantiboetan da nabarmen, non entzuleak, azpi-azpian dagoen gatazka aditzera ematen duten gertakarien subjektu eta parte diren, sarri askotan etika eta deontologiaren kalterako.