Koloreen bilakaera: euskal kasua

Laburpena

Kolorea fenomeno kulturala dela eta bilakaera historikoan kokaturik dagoela abiapuntutzat hartuz, euskal kulturan nola eman den koloreen bilakaera gaurdaino zehazten saiatzen da artikulu hau. Erabilitako oinarriak azalduz eta grafikoez lagundurik, bereizten diren etapen berri ematen du, hauetan faseak bereiziz eta bilakaeraren barneko logika ulertzeko beharrezkoak diren pausoak eskainiz. Hauei lotuta, bazterrezinezko gogoeta batekin bukatzen du: honako hau urrats bat izanda, koloreen fenomenoa egoki ulertzeko beste puntu batzuk ere kontutan hartu behar dira, bertan (garatu gabe, jakina) azaltzen direnak hain zuzen.