Familia-enpresak eta finantzaketa: zuzendaritza-organoen ezaugarri eta erabakiak

Laburpena

Familia-enpresek berebiziko garrantzia dute bai estatu-mailan bai eta nazioarte-mailan ere. Dauzkaten izaera eta ezaugarri bereizgarriek enpresa horien hainbat esparrutan eragiten dute. Esparru horietako bat finantzaketa da, zeina enpresaren beraren biziraupen zein arrakastaren gakoetako bat den. Finantzaketaren gaineko erabakiak hiru erabakitze-organotan hartu ohi dira: Administrazio Kontseiluan, Goi Zuzendaritza Taldean eta Zuzendaritza Orokorrean. Erabaki horien nondik norakoek familiaren beraren eragina izango dute, organo bakoitzean era ezberdin batean, finantzaketarako erabakiak baldintzatuz. Artikulu honetan aztergai dago zer eragin duen familiak finantzaketa-erabakietan, erabakitze-organoen kasuak aztertuz.