Haur batek adierazitako egonezinaren lekukoek agertutako jokaera prosozialean eragiten duten aldagaiak

Laburpena

Lan honetan jokaera prosozialaren garapenaren alorrean erabiltzen diren hainbat kontzeptu definitzen dira. Gainera hainbat jokaera prosozial aipatzen dira eta horien garapena haurtzaroan zehar nola gertatzen den aztertzen da. Ondoren, jokaera prosozialaren aldagai aurresaleak zein diren esan eta jokaera prosozialarekin daukaten erlazioaren inguruan lortutako emaitza esanguratsuenak aipatzen dira. Azkenik, alor honetan erabiltzen den metodologiak zein arazo aurkezten dituen aztertzen da.