Gatazken konponketa gizakietan eta beste primateetan

Laburpena

Animalien jokaera erasokorrari buruz asko ikertu den arren, hauek agresioaren ondorio ezkorrak gutxitzeko edota ekiditeko garatu dituzten baketze-mekanismoen inguruko datuak urriak dira. Lan honetan agresio mota ezberdinen sailkapena egiten da. Ondoren, primateek erabiltzen dituzten hainbat baketze-mekanismoren definizioa eta adibideak aurkezten dira. Azkenik, gatazken konponketa eta enpatiari dagokionez aurkitu diren sexu diferentzien errebisio bat egin, gizakietan enpatia neurtzeko erabiltzen diren tresnak aztertu eta sexu arteko ezberdintasun horiek azaltzen dituzten arrazoi posibleak proposatzen dira.