Talde-identifikazioa, barne-taldearekiko faboritismoa eta hautemandako homogeneotasun-maila testuinguru soziopolitiko desberdinetan garatzen ari diren haur eta nerabeengan

Laburpena

Artikulu honetan, testuinguru soziopolitiko eta linguistiko desberdinetan hazten ari diren haurrengan identitate nazionala nola garatzen den aztertzen da. Lagina sei, bederatzi, hamabi eta hamabost urteko 922 haurrek osatzen zuten. Emaitzek, identifikazio subjektiboaren arabera, norbere taldearekiko faboritismoan desberdintasunak adierazten dituzte. Ez, ordea, hautemandako homogeneotasun-mailan, hauek ez baitira testuinguru guztietan behatzen. Adinari dagokionez, identifikazio-talde guztietako haurrek seigarren urterako jada beren taldea hobesten dutela ikusten da. Hobespen hori identifikazio-taldearen arabera areagotu, mantendu edo urritu egiten da.