Lehen gerra karlista bertsoen argitan. Foruak eta erlijioa hiz neurtuetan (1823-1840)

Laburpena

Artikulu honek Hirurteko Liberaleko eta lehen gerra karlistako bertsoak aztertzen ditu garaiko historia ulertzera begira. Mentalitateak ikertzeko hain baliagarria den iturri horren analisi kritikoa egin ondoren, foruak eta erlijioa bertsoetan zelan agertzen diren jorratu da, bi auziok euskaldun karlista eta liberalen kezken artean present zeudela baieztatuz. Zehazkiago, bando eta maila sozial desberdinek agertzen zituzten jarrerak bereizi dira, nabarmentzekoak izanik nahiko ezezagun zaizkigun ikuspegi herritarrak. Artikulu honetan, halaber, bertsoak ikerketa historiografikoan nola erabili ikus daiteke, iturri horrek eskaintzen dituen aukerak agerian jarriz.