Euskara erabiltzearen erraztasunaren/zailtasunaren eragin emozionala eta horren ondorioak

Laburpena

Lan honetan nahi izan da honako galderei erantzutea: euskararen erabileran ba ote du eraginik pertsonaren alderdi emozionalak? euskara erabiltzearen erraztasunaren/zailtasunaren eragin emozionala nolakoa da eta nolako ondorioak izan ditzake? Horiei erantzuteko honako atalak ireki ditugu: 1) Sarreran adierazten da ikuspegi psikosozial psikologistari helduko zaiola, pertsonak duen erdigunetasuna edo zentralitatea azpimarratuz, eta alderdi unibertsalak jarraituko direla. 2) Euskara erabiltzearen erraztasuna/zailtasuna gaian ezagutzen ditugunak eta ez ditugunak adieraziko dira. 3) Emozioa prozesu psikosozial berezi gisa nola uler daitekeen adieraziko da. 4) Emozioaren kokapena ikuspegi psikosozialean adieraziko da, zientziagintza modernoan eta postmodernoan duen lekua ikusiz. 5) Laburpen moduko batean, zenbait ondorio atera eta azken hausnarketak eta proposamenak egingo dira.