Alkoholaren kontrako kanpainak: edan-neurriaren bila marketingaren bidez

Laburpena

Laurogeiko hamarkadatik aurrera herrialde garatu gehienetan teknika erakarkorrak erabili izan dira hiritarren portaera zehatz batzuk aldatzeko asmotan. Gobernuak giza-marketing kanpainetan diru asko gastatzen du. Drogari buruzko kanpainei dagokienez horrelako inbertsioak justifikatuak dirudite drogomenpekotasunak gizartean eta ekonomian ondorio larriak ekarri baititu. Baina, zein da kanpaina hauen eraginkortasuna? Galdera honi erantzuten saiatuko gara alkoholaren kanpaina batzuen ikerketaren bidez. Zer egin den ezagutzeak, zerk funtzionatu duen eta zerk ez, horrek guztiak etorkizuneko kanpainekin aurrera egiten lagun gaitzake.