Nafarroako euskara: azterketa dialektometrikoa

Abstract

\"Batbederac daqui heuskal herriã quasi
etche batetic bercera-ere minçatzeko
manerán cer differentiá eta diversitatea den\"
  (Leiçarraga)

Lan honetan euskal dialektologian jorratzen diren ohizko bideetatik aldenduz azterketa kuantitatiboa proposatzen da. \"Hizkera hau urruti dago beste honetatik\", \"herri honetatik beste honetara asko aldatzen da hizkuntza\",... eta gisa bereko iritzi subjektibo eta oinarri gabekoetatik urruntzea du xede egileak.

Formulazio matematikoak erabiliz eta A.M. Echaidek El euskera en Navarra: Encuestas lingüí­sticas (1965-1967) lanean aurkeztutako datuetan oinarrituz Nafarroan hizkuntz datuek duten egituraketa ikertuko da. Arazoari ahal denik eta era objektiboenez ekiteko dialektometria hitzarekin ezagutzen den metodologia jorratzen da. Lanaren zehar ibilpidearen urrats guztiak ikusten dira: corpusaren hautaketa, matrizeak, mapen elaboraketa, azkenik interpretazio geolinguistiko baten proposamena azaltzen delarik.