Marketinaren filosofiaren eta artearen ikuspegi erromantikoaren arteko gatazka

Laburpena

Arte-arloko marketinaren erabileraren ikuspegi ezberdinak aztertuko dira lan honetan. Izan ere, Arte Ederren ezaugarri bereziak direla-eta, historian zehar jarrera kontrajarriak sortu dira adituen artean, marketin-funtzioak artelanaren ekoizpenaren zein fasetan erabili behar diren hain zuzen ere, eta bi korronte nagusi sortu dira. Alde batetik, marketina merkaturatze-tresna soiltzat erabiltzea proposatzen dutenak, artelana amaituta dagoen momentutik aurrera eta ez sortze-prozesuan, produkturako orientazioa deitua. Eta bestalde, marketinaren merkatu-orientazioa defendatzen dutenak, marketina artelanaren sortze-prozesuaren lehen etapatik presente egon behar duelako ideia, eta marketin orokorraren filosofiarekin bat datorrena. Azken finean, autoreak bi ikuspuntuen arteko oreka bilatzen saiatu dira, arte-arlora zuzendutako marketin propio bat proposatuz, arteen marketin kontzeptua hain zuzen ere.