Haur euskaldunen komunikazio-garapena neurtzen 30-50 hilabete bitartean: MacArthur-Bates CDI-III tresnaren euskal bertsioa

Iñaki Garcia Fernandez; Andoni Barreña Agirrebeitia; Maria Jose Ezeizabarrena Segurola; Margareta Almgren Spare; Nekane Arratibel Insausti; Julia Barnes Mason

doi:10.26876/uztaro.88.2014.3

Egileak

Iñaki Garcia Fernandez University of the Basque Country, UPV/EHU
Andoni Barreña Agirrebeitia Universidad de Salamanca
Maria Jose Ezeizabarrena Segurola University of the Basque Country, UPV/EHU
Margareta Almgren Spare University of the Basque Country, UPV/EHU
Nekane Arratibel Insausti Mondragon University
Julia Barnes Mason Mondragon University

DOI:

https://doi.org/10.26876/uztaro.88.2014.3

Gako-hitzak:

Hizkuntza-garapena, Euskara, Galdetegia, Baliozkotasuna, Fidagarritasuna

Laburpena

Artikulu honetan MacArthur-Bates Communicative Development Inventories-III tresnaren euskarazko bertsioaren emaitzak biltzen dira, alegia, Komunikazio Garapena Neurtzeko Zerrenda-IIIrenak (KGNZ-III). Tresna hori 30 eta 50 hilabete bitarteko haur euskaldunak dituzten gurasoei dago zuzendua eta haurren euskarazko lexikoaren eta morfologiaren erabilera, hitzak esaldi berean elkartzeko gaitasuna, ekoitzitako hiru esaldi luzeenen batez besteko luzera hitz eta morfemaka neurtuta, ekoitzitako esaldien konplexutasun morfosintaktikoa eta zenbait hizkuntza-kontzepturen erabilerari buruzko datuak biltzeko osatua dago. Puntuazio normatiboak 1.024 haurren datuetan oinarritu dira. Lan honetan eskala bakoitzeko emaitzak aurkezten dira, baita pertzentilak eta galdetegia ere eranskinetan. Erdietsitako datuek KGNZ-IIIren fidagarritasuna eta baliozkotasuna bermatzen dute.