EAEko etxebizitza-politika garapen iraunkorraren argitan

Laburpena

Artikulu honetan etxebizitza-politikaren eta garapen iraunkor edo ja- sangarriaren gainean sakondu da. Izan ere, etxebizitzak eta etxebizitza-politi- kak zeresan handia sortu dute azkenaldian, baina ez horrenbeste agian ingu- rumen eta garapen iraunkorraren ikuspegitik azterturik. Azterlan honetan, lehenik eta behin, etxebizitza garapen iraunkorraren marko teorikoan kokatu da, ingurumen-dimentsioak eman dituen eztabaida nagusiak jasoz: besteak beste, hiri-ereduaren gainekoa, edota lurzoruaren erabileraren gainekoa. Bigarrenik, testuinguru teoriko hau oinarritzat harturik EAEko etxebizitza-poli- tika eta planeamendua aztertu dira, aurretik aurkeztutako eztabaidak gurean zertan gauzatzen ari diren ikusteko asmoz. Eta hirugarrenik, EAEko garapen iraunkorraren eredu gisa proposatu den kasu bati buruz hitz egingo da, Donostiako Antondegi auzuneari buruz, hain zuzen. Amaitzeko, ondorioak azalduko dira, aurretik garatutako eta ikasitakoren laburpen modura.