Urdaibaiko Biosfera Erreserbaren esperientzia

Laburpena

Artikulu honen euskarria UEUko Soziologia sailak, Miarritzen, 2004ko uztailaren 6 eta 7an eta “Demokrazia parte-hartzailea” izenburupean anto- latutako mintegien barruan eman nuen hitzaldia da. Mintegiotan neure iritzia zabaltzeko eta hurbilen ezagutzen dudanaz hitz egiteko aukera eman zidaten. Artikulu honek garbi utzi nahi diren mezuak babestuko dituelakoan, Urdaibai- ko Biosfera Erreserbaren euskal erakundetze-prozesuak Euskal Herria osoan zehar lurraren defentsan jarduten dugunoi eskaintzen dizkigun aukera estra- tegikoez —bere hub efektu potentziala— hausnarketa zabal bat ondorioz- tatzeaz aparte, gaur egun denona den Biosfera Erreserba mundial horren in- guruko hurbilketa ere egingo dugu bere status juridiko-publikoaren gorputza- ren deskribapenatik hasita. Gero, lege-gorputz horrek zilegitutako parte-har- tzearen eguneroko dinamiken ikerketen inguruko iritzia ere azalduko dugu, non kritika ezinbestekoa suertatuko baita, eta egungo adierazle esanguratsu batzuek komunikatzen digutena argudio kritiko horien oinarri izango da, nahiz eta ageriko eta sinplea izan.