Administrazio publikoa eta parte-hartzea: Altzako Garapen Komunitario Plana (Donostia)

Laburpena

Jarraian aurkezten den idatzi hau, parte-hartzeak duen gaurkotasunaz eta bereziki Administrazioak duen erronkaz hausnartzeko ahalegin txiki bat besterik ez da. Ardatz nagusia Udako Euskal Unibertsitateak Miarritzen 2004ko uztailean antolatutako saio batean agertutakoa izango da. Lehenik, derrigorrezkoak diren zenbait azalpen teoriko egitea komeni dela iruditzen zaigu, eta jarraian, gaur egun abian jarri den esperientzia baten berri emango dugu. Beraz, bi atal bereiziko ditugu: batetik, teoriatik berresku- ratuko ditugun kontzeptu batzuk, eta bestetik, azterketa praktiko bat, Do- nostiako Udalak 2002ko azaroan martxan jarri zuen Altzako Garapen Komunitario Plana.