Euskal kulturgintzaren izaeraz eta zereginez

Laburpena

Zer da jendearen ustez “euskal kultura”? Zein da euskal kulturaren irudikapena? Bi izan omen dira “euskal kultura” zehazteko erabilitako irizpide nagusiak: bertakotasuna eta euskara. Baina zein da irudikapen honen jatorria eta euskal nortasunarekin duen zerikusia? Kulturgintzak eginkizun politikoa eta identitarioa izan du modernitatean, baina eginkizun hori zalantzan jarri da gaur egun. Zein izango da euskal kulturgintzaren eginkizuna aurrerantzean? Zelan lehiatuko da nortasun-kontsumoaren mundu globalizatuan? Eta zer eginkizun beteko du euskal herritarren nortasun-kapitala eratze-lanean? Galdera horiei erantzun biribila eman barik, gogoetari ateak zabalik uzteko saioa da artikulu hau.