Nork bere burua zaintzeko laguntza emanez (Itzulpena)

Laburpena

1991n, AWWAk irabazi-asmorik gabeko nazioarteko garapenerako WATER FOR PEOPLE (WFP) erakundea sortu zuen, honako xedea zuela: edateko ur, osasun eta higiene proiektuen bitartez munduan zeharreko herritarren bizitza hobetzea. Ordutik hona, ia 400 WFP proiektu burutu dira, garapen eta trantsizio bidean dauden 38 herritako herri- eta hiri-komunitateei onurak ekarriz. Hautatuak izateko, proiektuek behar larrietara zuzenduta egon behar dute, teknologia egokiak eta tokiko materialak baliatu eta komunitateak eusteko modukoak izan. Proiektuak bideragarri egiteko eta baliabide eta diru-iturri mugatuei ahalik eta etekinik handiena ateratzeko, WFP erakundeak bat egiten du bertako erakunde pribatu, agentzia publiko eta gobernuz kanpoko erakundeekin. Mende berri baten atarian gaudela, erakundea garatzen doa komunitateen behar aldakorrei erantzun nahirik; eta heziketan, trebatze-lanetan eta oinarrizko trebetasunetan inbertsioak areagotzen, nork bere burua zain dezan
laguntzekotan.