Zapore-lehentasuna arratoietan: aldagai kognitibo eta harreman sozialen eragina

Laburpena

Idatzi honetan, ikaskuntzaren eremuan elikagai ongarrien aukeran parte hartzen duten aldagai nagusiak eta aukera horren garrantzia aztertuko ditugu. Ikaskuntza eta baldintzapenaren alorrean, animaliez baliatuz, zapore- -lehentasunaren fenomenoa aurkitu izan da, hots, animaliek hautazko froga batean zapore batzuk besteak baino nahiago izatearen fenomenoa. Fenomeno honetan oinarrituz, ikaskuntzak elikaduraren aukeran duen garrantzia eta eragina aztertuko dugu. Izan ere, animaliek bereziki elikagai atseginak eta ongarriak hautatzeko erabiltzen dituzten estrategia nagusiei buruz azken hamarkadetan egin diren ikerketak azalduz hasiko gara. Jarraian, arratoi kume eta helduen arteko harreman sozialek eta aldagai kognitiboek elikadura aukeran daukaten eragina azalduko dugu. Bestalde, arratoi heldu erakusle eta behatzaileen artean zapore-lehentasunean eragina duten aldagaien azterketari ekingo diogu. Artikuluaren azken zatian, fenomeno hori azaltzeko proposatu diren teoria garrantzitsuenen berrikuspena egingo dugu.