Subiranotasuna auzitan: Rousseau eta Hardt & Negriren pentsamenduan

Laburpena

Jarraian aurkeztu dugun iruzkinean estatuaren teorian problematikoa den subiranotasunaren kontzepzioa aztertuko dugu Rousseauren eta Hard eta Negriren ikuspegitik. Autoreek ezagutaraztera ematen duten subjektua zein den jakinda, horrek egiten duen boterearen erabileraren nolakotasuna dela-eta ezaugarritzen diren subiranotasun-ereduak alderatuko ditugu. Izan ere, Rousseauk subjektu subirano gisa herria proposatzen duen bitartean, Hardt eta Negrik jendetza deituriko subjektu ez-subiranoa aurkezten digute. Hori horrela, modernitatetik postmodernitatera doan tartean, subiranotasunaren kontzepzioa bezalako kategoria zaharrak baldintza aldakorretara egokitzeko gaitasuna aurkitzen saiatuko gara, eta, horrela, pentsamendu politikoan sorten diren esanahien bariazioa frogatuz, nukleo esanguratsua nola mantentzen den aztertuko dugu.