People first language: hizkuntza politikoki zuzena elbarritasunaren aurrean

Laburpena

Artikulu honek People First Language delakoa aztertzen du, hau da, elbarritasunari buruz aritzeko erabiltzen den hizkuntza politikoki zuzena. People First Languageren arabera, ezgaitasun edo ezintasunez hitz egin edo idaztean, «elbarritasuna duen pertsona» ideia hobesten zaio «elbarri» molde soilari, bigarrenak ezgaitasuna duen pertsonari gizatasuna kendu eta haren mugak baino adierazten ez dituelakoan. Azken urteotan queer teoriak kritikatu egin du hizkuntza politikoki zuzena, aldaketa lexikoaren azpiko aurreiritziak bere horretan uzten dituelako, eta ez duelako irakurle eta irakasleen erosotasunaren mesedean baino jokatzen.