Esfera publiko agonistikoaren alde

Laburpena

Artikulu honen bidez, gogoeta batzuk aurkeztu nahi ditut, gizarte demokratiko sendo baterako beharrezkoa den esfera publikoari buruz. Gaur egun nagusi den diskurtso bat aztertu nahi dut: “aurkaritzako eredu politikoaren amaiera” iragarri eta ezkerraz eta eskuinaz harago zentroko adostasu- nezko politikarantz joateko beharra aldarrikatzen duena. Nire tesia honako hau da: diskurtso-mota horrek oso ondorio txarrak ditu politika demokratikoan, horren defendatzaileek aurkakoa dioten arren. Izan ere, “politikako esfera publiko demokratikoa” ahultzeaz gain, diskurtso juridiko eta moralaren nagusitasuna ekarri du, eta, nire ustez, nagusitasun hori oso kaltegarria da demokraziarako. Politika gero eta gehiago ari da moralizatzen eta juridiko- tzen, eta, nire iritziz, hori ez da aurrerabidetzat jo behar, ezta demokraziaren garapenerako urrastzat ere; demokraziaren etorkizunerako mehatxua da.