Herritarren parte-hartzea Europako toki-gobernuetan: zenbait ikasbide

Laburpena

Azken urteotan, gizarte postindustrialetan hedatzen ari bide den borondate demokratiko eskasaren haritik - batez ere demokrazia ordezkatzailearen oinarri eta prozesuetan-, erakundeak demokratikoki eraberritzea behar-beharrezko bihurtu da Europan. Eta horrek, besteak beste, herritarren partaidetzarako esperientziak hedatzea ekarri du. Ikertutako herrialdeetan esperientzia horiek berriak ez badira ere, beldurrik gabe esan dezakegu orokortzen ari direla eta, zenbait kasutan, instituzionalizatzen, Alemanian, Frantzian, Erresuma Batuan eta Espainian, kasu.