Gerraondoaren historia luzea: euskal eskolangintza

Laburpena

Izenburuak berak adierazten duen bezala, gerraondoko euskal eskolagintzaren historiara hurbiltzea da gure helburua lan honetan. Azterketan frankismoan bilakatutako euskal eskolaren saioak ikuskatzen ditugu, eta eredu desberdin bi bereizten ditugu: etxe-eskola eta ikastola. Izan ere, eskola-esperientzien jatorria eta zentzua gizartearen ispiluan irakurri behar diren neurrian, 60.eko hamarkadako gizarteak-gertakariek eraginda eta era berean berorien eragile den ikastolen mugimenduaz gain gerraurreko nazionalismo tradizionalarekin erabat lotuta zegoen beste eskola-ideologia daiteke E. Zipitriaren inguruan sortutako etxe-eskoletan.

Testuinguru soziopolitiko eta ekonomikoa, modernitatea, genero-analisia eta hezkuntza-ideologia dira, besteak beste, eredu bien arteko bereizketara ekarri eta definizio hau egiteko baliatu garen analisi-lerroak, beraien bitartez orrialdeotan aurkituko duzun gerraondotik honako euskal eskolagintzaren historiaren epeketa-proposamena umatu dugularik.