Emakumeen aurkako indarkeriaren analisi feminista baterako oinarri teorikoak eta elementu metodologikoak

Laburpena

eteropatriarkatuak genero-indarkeriei edo indarkeria matxistei buruz ezagutza sortzeko eta diskurtsoak eratzeko darabiltzan moduei eta prozesuei (epistemologia heteropatriarkalak) aurre egite aldera, erresistentzia feministak lan eskerga egin du esanahi eta interpretazio-marko berriak eratzen. Prozesu horren ekarpen gisa, emakumeen aurkako indarkeriaren analisi feministarekin bat datorren proposamen metodologikoa partekatuko da artikulu honetan. Fenomenoaren analisitik eratorritako berrikuspen teorikoaren eta hausnarketa epistemologikoaren fruitu da, eta oinarri ditu Euskal Herriko komunitate ekintzaileetan indarkeria gainditu duten emakume ekintzaileen hamar narratiba.