Euskal Herriko landa-komunitateen sintaxi berria: zehar-objektu izatetik subjektu izatera. Erresilientzia-gaitasuna bi mila urtez

Laburpena

Landa-paisaia gizartearen eta ingurugiroaren arteko elkarreragin konplexuen ondorioa da. Euskal Herrian, azken urteetan hainbat ikerketa egin dira landagiroko komunitate desberdinetan. Isurialde atlantikoko lau gunetako emaitzen azterketa diakronikoak erakusten duenez, tokiko komunitateek abagune sozioekonomiko desberdinetara egokitzeko gaitasuna erakutsi dute ia bi mila urtez. Historiaren subjektu pasibo gisa aurkezten dituzten ikuspegi tradizionalen aurrean, arkeologiaren aldetik gizatalde horiei dagokien protagonismoa itzultzea proposatzen da, horretarako marko teoriko apropos gisa erresilientzia nozioa proposatuz eta, horrela, landa-paisaiaren bilakaera orokorra birpentsatzeko bideak irekiz.