Globalizazioa eta nazionalismoa: Euskal Nazio Askapenerako Mugimenduaren kasua

Laburpena

Globalizazio-prozesuak eta nazio-estatuaren krisiak gizarte-mugimenduen diskurtsoetan eragina izan duten bezala, nazionalismoen bilakaera ere eragin dute, Mendebaldeko zenbait eskualderen sezesio-prozesuen berpizkundea ekarriz. Ildo horretan, nazionalismoen diskurtsoaren eboluzioa gertatu da, mugimendu global berrien «demokrazia erradikal»aren ideian kokatuz. Garapen hori Euskal Nazio Askapenerako Mugimenduaren kasuan ere gertatu da, eta «klase-gatazka» edo «iraultza» bezalako kontzeptuak indarra galtzen joan diren heinean, «demokrazia» edo «erabakitzeko eskubidea» diskurtsoaren erdigunean kokatzera pasatu dira. Hori dela-eta, euskal nazionalismo erradikalaren paradigma berri baten aurrean gaude orain, negoziazio-fasetik eraikuntza nazionalera salto eginez, izaera iraultzailetik demokratikora pasatu dena, eta ezker postmaterialistaren ideiak bereganatu dituena.