Erlijioaren itzulera eta mitoaren berreskuratze semantikoa

Laburpena

Postmodernitateak arrazoiaren mugak eta hutsuneak aurkitu ditu. Arrazoiak bete nahi eta ezin izan duen arloetako bat, erlijioarena, hain zuzen ere, hainbat pentsalariren hausnarketagai bilakatu da.

Erlijioak, subjektuaren ezagutza-bide legez, itxura berria hartu du instituzioetatik at, logos sinboliko eta teorikoaren elkarlanari esker. Epistemologia berri hori dela-eta,hura osatzen duten ikurrak (errebelazioaren jasotzaile eta agertzaile) hausnarketa-eremura igaro dira, eta mito edo kontaketa erlijiosoen eremu semantikoa zabalduegin da.