Julio Medem eta haren unibertsoa: Caótica Ana eta Habitación en Roma filmen kasua

Laburpena

Artikulu honen helburua Caótica Ana eta Habitación en Roma filmen analisia egitea da, bi film hauek Medemen beste gainerako obrekin erlaziona-tuz. Asmoa, egile honen estilo partikularrean barneratzea da, Medemen esentzia agerian uzteko eta erabiltzen dituen baliabide tekniko zein narratiboez jabetzeko. Horretarako, haren filmografian behin eta berriz errepikatzen diren sinboloak eta eskemak (bikoiztasuna, bizitza-heriotza edo lur-zeruaren arteko harreman berezia, zirkularitatea, erdiaren garrantzia, pertsonaien identitaterik eza, ihesa, maitasuna, etab.) ikertuak izango dira Caótica Anan eta Habitación en Roman aurkitu eta aztertzeko. Film hauen mezua hauen formaren bidez ikuskatua izango da, irudiaren garrantzia kontuan hartuta. Bertan analizatu beharreko puntu garrantzitsuenak bikoiztasuna eta zirkularitatea dira, horiek mugiarazten dutelako azkenean narrazio guztia.