Bigarren globalizazioa: amaieraren hasiera?

Laburpena

Zibilizazioen gainbehera kohesio soziala galduz hezurmamitzen da, eta antzeko zantzuak erakutsi izan ditu historian barna. Globalizazio heleniar-erromatarraren dekadentziak eta gaurko globalizazioak ezaugarri nagusi batzuk partekatzen dituzte, baina gurearen dekadentziak berezko zertzelada batzuez moldatzen ditu. Nolanahi ere, bietan nabaria da makro-gizarte globalak ezin duela eduki euskarri gisa behar lukeen makro-erkidegorik eta, beraz, gaurko globalizazioak ezin duela hondamendia ekidin. Alternatiben iparrorratza, greziar polis-a izan liteke, eskualde-buru izan zenez, eta guretzat are interesgarriago, antzinako Grezian bezala, eremu etniko zabalago baten oinarri.