-(e)n... erlatibo aposatuak. Izen ardatzaren eskuin hedatzen diren erlatiboak euskaraz (II)

Laburpena

Izen ardatzaren eskuin hedatzen diren erlatiboen inguruko bigarren artikulua da hau. Honetan izen ardatz determinatuen ondorengo -(e)nÉ atzizki substantibatu bideko aposizioak jorratzen dira. Euskal gramatikan barrena izan duten historia laburra bildu eta hainbat testigantza jaso eta gero, beren pisu estatistikoa neurtu da, ahozko nahiz idatzizko bi corpus nagusitan: %12,9 ezkerretiko erlatiboen aldean. Hauen balioaz zenbait kontsiderazio egin ondoren erlatibo arrunten aldean, erabileraren zenbait ezaugarri jorratu dira: esaldien luzerarekin duten zerikusia (zenbat eta esaldi luzeagoak, orduan eta aposiziorako joera handiago); aposizio hautsi eta hautsigabeen arteko joerak; aposizioen izen ardatz mugatu eta mugagabeen ezaugarriak; aposizioak partitiboan emateko joera; aposizioen erabilera harridura esaldie-tan; aposizioen gaitasuna erlatibo kateak osatzeko; komunztadura arazoak izen ardatza eta aposizioaren artean; É Adibide ugariz azaldu da dena.