Informazio unitate baten tamainako esaldi laburraren ordenamendu eta informazio-egituraren aukerak eta eraginak

Laburpena

Lehen atalean (Uztaro 33) esaldi luzeez jardun genuen. Bigarren honetan esaldi laburren joskeraz ari gara: intonazio-informazio unitate arruntaren tamainako esaldiez (10-15 silaba gehienera), hauen ordenamendu eta informazio-egituren aukerez, euskaraz, hizkuntzek ez dituztenez joera eta plegu berak erakusten intonazio-informazio unitateen barne egitura eratzean. Lehen atalean garatu ikuspegi intonatibo eta psikolinguistikoaren haritik jorratzen ditugu esaldi laburron ordena eta informazio egituraren aukerak, esaldia kasu bakoitzean aurkituko den testu-aurre bereziaren arabera. 3. ataleko zenbait joskera proposamenen ondoren, 4.ean ahozko zein idatzizko hainbat testu errealen azterketa aurkezten da lanean garatutako ikuspuntuaren argitara, hainbat ondorio jakingarri azalduz testu bakoitzak, deskodetze garaian, erakusten duen erraztasun / zailtasun mailaren inguruan.