Demokrazia eta naziotasuna

Laburpena

Hitzaldiak herritartasuna eta nazionatasunaren arteko harremanak ikertzen ditu. Kontzientzia nazional berezia duen herriak badu estatu propioa sortzeko tendentzia, eta estatuak, berriz, badu kontzientzia nazional batua sortzeko tirria. Estaturik gabeko eta estatu nazioanizdunen arteko gatazkaren sorburua nazio eraikuntzaren baldintzetan datza, eta edozein sistema politikotan ager daiteke. Gatazka nazionalen irtenbidea bilatzeko, sistema demokratikoak eskaintzen ahal ditu bide egokiak, baina gatazka horiek sorburu eta helburu propioak dituzte, demokrazia hutsak ezaba ezin ditzakeenak. Gatazka nazionalak diren estatuetan, sozietate post- nazionalendako oratu kontzeptu berriak desegokiak dira. « Abertzaletasun konstituzionala », adibidez, estatuak hobesten duen naziotasunaren zerbitzuko erabiltzen da, eta haren itxura neutroa nazionalismo dominantearen aldekoa da.