Eliza, Herri-kultura eta politika. Besta-berri Ipar Euskal Herrian

Laburpena

Ipar Euskal herriko herri-erlijioaren eta identitate etnikoaren eraikuntza sozialaren arteko erlazioak aztertzea da artikulu honen xedea. Erakutsi nahi da erlijio-/gizarte-ohitura bat, hots Besta-Berri, erraz bihur daitekeela politikoa ideologi-polarizazioa nagusi den testuinguru batean, hain zuzen Frantziako hirugarren errepublikan, Eliza eta Estatuaren arteko gatazka bizia zegoenean. Ospakizun honen bilakaerari buruzko egungo eztabaidak ere Eliza katolikoaren eta lekuko identitateen arteko erlazioan arazo anitz azaleratzen duela erakusten da orobat. Mendebaldeko herrialdeetan sekulartze-/laikotze-prozesuek identitate etnikoaren bilakabidean duten eragina aztertu nahi duen hausnarketa zabalago batean kokatu behar da lan txiki hau.