XXI. mendeko etnomusikologiaren inguruan: folklorismoaren auzia, arloaren ikasketak eta eztabaida

Laburpena

Etnomusikologiaren bilakaera antropologia eta musikologiari lotuta egon da eta horrela jarraitzen du gaur egun. Arloak, pixkanaka, ibilbide propio eta sendo batekin, bere bidea aurkitu du, ikerketa-eremuak handituz eta kide dituen aipatutako alorretan eraginez. Etnomusikologoaren profilak folkloristaren ezaugarri batzuk mantentzen ditu, baino biziki aldatu da: egun, arloa guztiz zientifikoa da. Bestetik, folklore eta folklorismo terminoen arteko ertzen inguruko problematika dago. Artikulu honetan, aipatutakoaren ildotik, arloaren auzia eta dituen eztabaidak aurkezten dira. Horrez gain, etnomusikologia ikasteko dagoen aukera sakabanatua azaltzen da, Euskal Herriko egoerari hanpadura berezi bat eskainiz.