Antropologia Politikoa: politikaren zientzia mota baten ondare teorikoa

Laburpena

Antropologia Politikoa XX. mendeko 40ko hamarkadan sortu zen Gizarte Antropologiaren azpi-diziplina gisa. 80 urte pasa ostean oihartzun nabarmena lortu du eta oso emankortzat jo dezakegu arlo teorikoan, baita ikerketa etnografikoen eremuan ere. Lan honek helburu nagusi bi ditu. Alde batetik, azpidiziplina honen deskribapen sakona egitea, haren ezaugarri nagusiak, gai esanguratsuenak eta ekarpen garrantzitsuenak azpimarratuz. Beste alde batetik, ikuspegi kronologiko batetik abiatuta, sortu zenez geroztik gaur egunera arte, haren korronte teoriko ezagunenak mahai gainean jartzea: aitzindariak, sortzaileak (estrukturalfuntzionalismoa), lehenengo kritikoak (ikuspegi prozesuala) eta korronte garaikideak. Bukatzeko, hainbat ondorio azpimarratzen dira etorkizunari begira.