Euskal Herrian gizartea eta eliza

Laburpena

Oraintsu arte Elizaren —katolikoaren— eta euskal gizartearen arteko harremanak estuak izan badira ere, azken hamarkadetan egoera aldatu da zeharo. Artikuluan aldaketa horren zenbait faktore aztertzen dira. Oro har, hiru hipotesi agertzen dira: batetik, Eliza Katolikoa berandu heldu da modernitatera, modernitate bera xehatuta zegoenean; bigarrenik, euskal kultura ere berandu heldu da modernitatera eta, berebat, modernitatera heltzen den elizara; azkenik, euskal gizartearen eta kristautasunaren artean aldaketa bereziki sakona eta azkarra gertatu da azken hamarkadetan. Bestaldetik, euskal gizartean gertatzen den prozesua Mendebaldeko gizarteen testuinguruan aztertzen da. Artikuluak modernitateak eta modernitatetik sortzen diren interpretazio berriek erlijioarekin hartzen dituzten harremanen berritxuratzea erakusten du.