Euskal gizaki autoalternatiboa sozioekonomian (III. atala)

Laburpena

Uztaro 59. eta 61.ean argitaratu ziren artikuluei jarraiki, honetan gure gizartearentzako autoalternatiba autogestionarioa hainbat arlotan garatzeko hausnarketa sakona egiten da. Kasu honetan aztertutako gaiak dira Kultur Espekulatiboa eta Baliabide Naturalak, Kontsumismoaren Gainditzea, eta Ekonomian erablitzen den Zientzia eta Teknologia. Aurretik egin zen legez, erabilitako metodologia berdina izan da, hots, kapitalismoak, sozialismoak eta autogestioan oinarritutako esperientziak esparru honetan dituzten ekarpen garrantzitsuenak jaso, eta, aldi berean, autoalternatibaren baitan erabilgarriak diren euskal nortasunaren ezaugarriak identifikatu ditugu.